बुद्धशान्तिमा दोस्रो झापा मिडिया कप असोज २४ र २५ गते हुँदै
झापा । बुद्धशान्तिमा दोस्रो संस्करणको झापा मिडिया कप २०८३ आयोजना हुने भएको छ। बुद्धशान्ति प्रेस क्लब झापाले आगामी असोज २४ र २५ गते बुद्धशान्ति–१, बुधबारेस्थित बुद्ध आदर्श माध्यमिक विद्यालयको खेल मैदानमा प्रतियोगिता आयोजना गर्न लागेको हो। क्लबले आज पत्रकार सम्मेलनमार्फत प्रतियोगिताबारे जानकारी दिएको हो। क्लबका अध्यक्ष तीर्थ तिम्सिनाका अनुसार प्रतियोगितामा झापा र इलामका पालिकास्तरीय प्रेस क्लबका ८ वटा टोली सहभागी हुनेछन्। क्लबका उपाध्यक्ष तथा खेल संयोजक नारायण अर्यालले अघिल्लो संस्करणको तुलनामा यसपटक पुरस्कार राशि वृद्धि गरिने जानकारी दिनुभयो। प्रतियोगिता सम्पन्न गर्न करिब ३ लाख २० हजार रुपैयाँ खर्च हुने अनुमान गरिएको क्लबका सचिव रोशन भट्टराईले बताउनुभयो। प्रतियोगिताको मुख्य प्रायोजन बुद्धशान्ति गाउँपालिका–१ले गरेको छ। वडाध्यक्ष अनिल वाग्लेले पत्रकारहरूको उत्सवका रूपमा आयोजना हुने प्रतियोगिताको मुख्य प्रायोजन गर्न पाउँदा खुसी लागेको बताउनुभयो। उहाँले पत्रकार समाजको ऐना भएकाले दसैँको अवसरमा खेलकुदमार्फत सद्भाव बढाउने प्रयास सकारात्मक रहेको धारणा राख्नुभयो। कार्यक्रममा पत्रकार महासंघ...